آدِه زلیخایده، اوُبَه اوُنَه زِلِی دِیل لََردِه. هر گؤرن اؤیرگِ، زلیخا زلفوُنوُن، فِرلِه، تولِه توله سوُندا دوساقه قالیرده. خیالِ، گئجه، گوُندوز مونِسیده، وسودایسه.آی وایل لَر، اَنیِسه.

کَندِینگ واوُبَه نون، مختصر، هرگورنن اویرگهِ، زلیخا عِشقِنده.دوشگونِده عشقنن اِؤکه ، اویرگ لَرَه آغورلوقِ، اِدِیره، وآیرولوقِِ دَردِنه، شاعرلَر قوُشما[2] لارونون دِیلِینَن مَرحَم قوُیرده.

کیمسَه یوُخوُدِه که، باخماگونون دوگونن دَه، دؤیزَه دؤشمیه و، آلاهون هنرنِه،یاردما گدا، زلیخا گؤزل لوقنَدَه، گؤرمیَه.

زامانون زلیخا سیده،اِلهِ ین، لِیلِسه. سوجه [3]لاره چوُخِ دِه، اُمیدلِه اؤیَرگَنن سوجه لوقا، گِدیل لَردِه، آما، ناامید، بؤکلیل لَرده.

قِرخ بِش اَیلِیدِه، مَنِم اوّل که اِیل مُعلم لِگمده.کَندلَرِنه، مَعلمِ دِم، اوزامان مُعلم، چوخ ارج واحترام واریده. معلم ، کندَه، واِل ده، هم دکتردِه، هم دعانویسِ دِه، هم سِر[4] داشِِ دِه، هم روانشناسِ دِه، هم مشکل گشایده.

نَه دِیَم، گوُزلوگه، دِیلَه قولایده[5]، آلاهون، صَعَتِنِن هنریده.

مِنِم مدرسَم، ساختمانِ،بولاقون یولنون باشوندای دِه، هَمِشه مشکِنه آتیردِه، چینِنهَ ، مدرسَه نن قاباغوندان سو دولدور ماغا گِدیرده.

یازون اککِه مِینجَه، آیونون آخریده(سونیده) گونون هورمِ[6]، کنِدینگ دُورند اکه اکِلَن شودَلِرنیگ، گؤیل اِیِسِه بیداد اِیلردِه، هریردَه  بورن لارا قوُنیرده.

مَنَ مدرسه ساختمانون قاباغونا، تورموشو دوم، گوُردوم گلِیر، سو دوادورماغا گِدِه، مَنَه اِتِشَنده همیشه که زامان کمین باشِه آشاقودا، گئوزل گئوزلِرنده، بیر آغوز غمین اِثره، گورنیرده. آی کمین آویزندَه، بیر دوتقون لوق واروده، اِله سان بیر پوزقوُن گویلِ ده .

همشَه، بی سَسِده، اؤز ایچندَی دِه، من اونون بوحالتَندن حیرت لِیدم. اِوزمنن فیکر اِلیردیم. بونه سبب دِرکه بو قِز، جوانلوق یاشوندا، عمرونون یازوندا، که اِویرگ، کوُ[7]نگل سِوداشوندا اولاسه، اونهِ اِویرگ سلیقَسِنَه بِزِدسِه اویرگ تختنَه اوُتورداسِه، قچقِن ودوشگون، اِویزغولِه[8] باش خارولاردا، مجنون کیم لیلسِه یچه، یارهوا سوندا،قچَه سِه.

ندَن دِربو قیزن پوزقون ودودقون لوقه دور، آیره قیزلرکیم، دِمِیر، دانوشمِیر، اِویرگمَ دَه، دؤشمیرده که بیر کمسه دن سئورشم.

هرزامان سئویردم، اونی نان دانوشام، بیر سلام وِرِیرده، فِرز، وحشی جیران کیم قاباغومدان، رَد اولیرده.

من حیرت دَی دِم، بوقِز جوانلارون آرزو سیده، اونلار عابد کیم، بیلَه سِنِه ، اؤیرگ معبدِندَ، تختَه، اوتور دِیلارده مدح اِدیل لارده، تنا اِدیل لارده، الحق دَه، سزاوار، بو تعریف ووصفِ ده.

اِله سان بیر گؤیلِ ده که بیر، خرابا، گوشاسونده گؤیرمِشده ، آتا، آناسه فَقیرِدِه. آتاسه، بیرجزء رعیت لِه قونان وقِش لَر، شیرازدا، عمله لِه قونان، اِوِین، خرجِیِه ، چاخاردیرده.

آما، گؤزلوقه، بیله یده که، من دَه فیکرده ی دِم که اونه سوجولوق ایلَه یَم، اُوزمنن بو سِودادا، چالوشیردوم، بگون تصمیم دودموشودوم، هر جور اولموش دانوشام.

گلده قرشمه سلام ورده.

سلامونون جوابنه وِردِم ، سورا فِرز یولونون جلونا توردوم دِدِم.

-         زلیخا، بیرآز زامان دوک وور،آتایندا، بیر پیغام واروم.

دورده، بودفعه با شونه یوخاره تودِه، قارا شهلا نرگس لرنِه، گئوزمَه دؤگون سالده.

مَندَه آو زامان جوانودوم، مست وسر خوش، جوانلوقون، ساغرنَن، اویز کونگِمه، اویرگم سَلیقسِنَه بزَدیردِم .داغلار دامانوندان، خیال دا، بیردسَته گُؤیل تاج کیمین باشونا قویردوم، آزو چوخ، قوشما دِیلین، دنیانون گؤزلگ لرنِه، وصفِ اِدیردِم.

وقتی گؤزلرنه، باخدوم، الحق گؤزلگ معنی سنِه ، اوزامان آنگالادوم. اون دا ، نی فغانونون یاندورماقونه، کهنه شرابون نشَسِنه ، نرگس شهلالاقونه، هاموسِنه، بو بیر جفت گئوز، ایچنده گؤردم، گئوزلره، بیردنیا شور وشر واریده، اِله بیر ظلمت دریا سیده که اویرگ اِله بیر سینع بلم، مجلارونه گرفتارده.

فیکر اِیلَیم اومَنِم اؤیرگمین، شیدِا الوقونه آنگلاده، سَوده بو حالِت، بوسکوت آرادان گؤتوره  تودقون غملِه سَسِنن دده.

- نه فرمایش وادویوز آقای مدیر؟

دِدِم:

زلیخا، بگؤن اِیسیرم، سنن، بیر سئور سوروشم، آما، شرطِم، بو دور که گرچک جوابمه وَرن.

دِدِ:

-         بویورون:

دِدِم:

-         زلیخا، سنن جوانلوقون چاقودوُر، سنن عمرونون یاز دورانودور، دِیَه سینگ، دانوشاسونگ، سَندَه بو جاهال قیزلرکیم، اؤیرگیه، خوشحال دوت، دِ، دانوش، سبب نَدَن دِر که همشه، پوزقونانگ، بو دوران، یئل کیم گَچَرَ ، اولوم اِیلَرده.

خمار گئورلرنن، گئوزمه بوراخده، بیر غمله گؤلؤمسانماق غنچه دودا قلارونا قونده، دِدِه

-         آقای مدیر تلَسمَه ، اِؤزون تِز بیلرنگ.

زارودوم

-         ای داد، ای بیداد، سَن مجلس لردَ ه، بیر شمع کمین یانیرای ، سَنِن آرزویه هامه جوانلار چکیل لر.......

سئوزمه کسدِه دده

-         مَنَ بیر یازام که توسانا اِترِکمش باش اولدام ، اوگولام که یاز تو کنمِمش پوزقون اولدام

آقای مدیر، قوی مَنِم اؤز سَررِم اؤز گوینمده قالا، منم سرگذشتِم، بیر آیره جور سرگذشت دِر، موندال آرتوغ، مندن سؤرشه.

سئوزنه توکَده منه حیرت آراسوندا قویده، یانومنان گیده.

اوگِده ، من بیر بیوگ خیال لار دنیزنده، کشتی سِز موجلارون آراسونا سالده.

او گوندن سورا زلیخا، چوخ کوشش اِدیرده، مَنِم ، یولوم باشوندان قراغا چکه ، مَنِم اویرگیم، اونون گؤرمگیچه اله سان بیر اسیر قوشوده که، باش قفسن میله لرنه وویِرده.آما او اؤزنه مندن قراغ چَکیرده

او کنَد ده، هرکیمه دن، زلیخا نون گوشه گیر اوقونه سؤرشیردِم، دیل لَرِدِه.

-         بو اِله بیله دِر، نه سنینن بیلکه هامه کیمسه ینن، بوجور دُر، هرزامان آتا سِه، یا آناسوندان سورشیردم، احساس اِدیردم ، بیر موضوعه مندن گیزلِیلَ لر،

اوایل گچده، یِنگی ایلن فایوزوندان، بیر آی یاروم گچیرده، ظهردان سورا، کلاسدا، اوشاقلارا درس وریردم، بیردن بیر شلوغ اشد دم، زلیخانون آنا سونه گوُرودم آغلاما قونان مدرسیه ساره[9] گلیر، جلو وندان قچدم، سئور شدُم.

-         نه دِر – نه خبر دِر نیج اولموش، آنا سه پرنشیان احوال، اِله بِیلَه که یاش گئوزلرنن بولاغ کمین جو شیردِه .

دِدِه:

-         آقای مدیر، باشویا دوندِم، دادوما ، اِتر، گؤلؤم پرپر اولده، وای جانوما دوُشده، وای اِومه دؤشده زلیخام، زلیخام

تله خار سئورشدم

-         زلیخا نه ، زلیخانِون نَسِه دِر.

دده:

-         اؤلیر، اؤلیر، آردان گدیر، گمانوم بود دفعه داهه...

آنا سونا تورما دوم، قََچه قَچه، ایخل ودوش ، اؤزمه، حیاط لره درندن، ایچره آدوم، اِتردم اطاقون قاپوسونا، دِرِ آچدم، گِدِم اطاقا، زلیخا، رختخوابون ایچنده، اطاقون کونجوندا، یادموشوده.

 خلق اطاقون دوُرد بیریانونا، دیوارون دی بِنَه اوتورموشلاروده، قلیان تؤیته، دومال کمین، اطاقه دولدور موشده هامسه پوزقون، هاموسونون گئوزلره یاشله، زلیخا دان اوغرلانچه، آغلیل لارده

اؤتوردوم

زلیخا نون گئوزلره بیر بیر اِسندی ده ، قارا اوزون اوغلاره، مخمل کمین یاناخلاره اِیسنَه دوشموشده.

آتاسه اونه چاغورده

-         زلیخا، زلیخا، غزیز قیزم، گئوزلریه آچ آقای مدیرگلمش احوالیه.آلا گئوزلرنه آچده، شهلا نرگس کمین تولانده، مَنِم گئوزل باخده، مَنه گؤرنده بیر محو گؤلمسانماق غنچه دوداقلاره اؤیسنه گلده، من اَلینِه، تودوم اَلمَه سووقوده،آما بیر ریز تَر دامچالاره اؤیزنه قونموشده الَه شبنم که گول برگنهِ قونا.

من روحوم اولموشده، جسمم دِرریده، چوخ اوزمه ساخلادیردوم، که یاش گئوزلرمه گلمیه ، اویرگیم یاخونده چاتلایا سیردم، دانوشام، آما بغض خِرِرغمدَه یول وِرمِیردِه، اؤزوم گؤریردوم که « شیخِ اَجل سعدنن او مشهور قوشماسه قولونا » که دِیر:

«من خود، بچشم خویشتن دیدم که جانم می رود.»

جانوم گِدیر، ازوم، اؤزجان سئوز لاشومه گوریردوم که، زلیخا یورقان دؤش گونون پهلسِنه اؤتورموش آخر طاقت-گتَرمِدم، بیر پرده یاش گئوزلرمینگ اؤیسنه حلقه وورده. ناله ودوم، زارودم، چِغِیردم :

-         زلیخا،زلیخا، قورخما،بیر اِیسِدمدر،بیر بحران دور، گلر، گچَر.

ینگه دن بیر گولو مسنده، دوراقلاره یواش قِمِ لاده، سیرِده بیر دانوشا، آما اِی امان اِلؤم امان ورمیرده.

نالودوم:

-         ای داد، ای بیداد، ای تاره گؤرمه، گؤرمه، راضی اولما، نَدن اویرگندن گلیر. بیر بیله گؤیرچنه اولدرنگ بیر گؤیل بوداقونه ساراردانگ.

سَسِه، اِله سان، چاه تهندن گلیرده، قولاقومه آغزونه یووغ اِددِم، کِسگ کسگ کلامونان دِدِه.

-         آ-آقای، مو-مودیر، اوزم، یولادوم قولونجیا، تاگَلنگ. چون گؤینون سِیرده، بیلینگ مَنِم نسّمدر، من بیلردم، که اؤلدم، من بیلردم که عُمر باشا وودمام ، مَنده قان سرطان وار، اؤزوم، آتاما، آناما تاپشورموشدم، بوِسِّّرِخلقدم گیز لَیه، تا خلق ، رحملِه گئوزنن  منه باخمویا، تاخلقن اویرگ مَنَه یا نمویا.

داد چکدم:

-         یویو قورخما قان سرطان آدام الدورمَز. سن یا غچه اولدانگ باشمه تودوم گؤیه ساره دِدِم

-         آی کافر آله، مَنِه اِلدِریرنه، سَمَه، گؤرمه، بوفرمانِ ، بو حُکمه دوندر، آل گِره.

احسای اددم اََلِمه، سِخیر، گِنه با خدوم گئوزلرنه، گؤردوم سیردانوشا، آما اَجل بورما قلاره ، خررغنه ، سخیر ، قویمر نفسه گله.

آناسونه باشوم اؤیجنه تورموشده، چارقِد بالینان، گئوزلره یا شونون یولونه باغلیرده. باخدوم بیله سِنَه چغردم بیر لیوان سو سو....

آشاغه با خدوم شهلا گئوزلره آچوق گؤیه تیکلمشده، نفس ، غنچه کیم دوداقلاروندا قوروموشده.

گئوزلَرنه باغلادوم، آناسنون، آتاسونون، وایه سَسِه بقیه خلقنن، تؤیت یمش،رعیته اطاقون، دورد بیرگوشاسونا دولانده.

من یاش له گئوز، غمله اویرگ ، اؤزمَدن خبر سئوز حیران عقلنن، دردَن چخدم، مجنون کیم، باش قویدوم بیانانلارا، چول لَرَه ، چای کَمِنده که، ساره گویله یاشُل چمن لوق لره تاگئوزم یاشونه، اورگمین، غمله درد وزجرینن قرشدم، بیر معجونله شراب دؤزدم، زلیخا نوو بیر جفت قویروغ له قارا درشت گئوزلره، بیر جفت کمان کمین قاشلاره دردنن، آیرولوقونان، یانموش اؤیرگمَه، بیر تسکین وَرِم و مظرابِ ایچینده که سیم لره جیگرنه چگم و، اؤز دَردمه داغلار یئلینن وآلاهون بو داش اویرگ لوقنه، نی فقا نونیان، سه تار زارماگینان اهل اویرگ لر، قولاغونا اِتردَم.

« اَزَل گونه، آدامیه یاردان              خوش یارادین، اوآتادان، آنادان

گئوزل چکیر، وجودونونگ نقشِنه      ظالم کمین، پِس گوتوریر ارادان»

داوود حسن آقای کشکولی